shaam Dhalte hi dil ke aangan se — Arshad Nayeem

main vusaton se bichhaD ke tanhaa na ji sakungaa
mujhe na roko mujhe samundar bulaa rahaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

yuun ruuh thi adam mein miri bahr-e-tan udaas
ghurbat mein jis tarah ho gharib-ul-vatan udaas

jo guzarte hain 'daagh' par sadme
aap banda-navaaz kyaa jaanein

main gham ko basaa rahaa huun dil mein
be-ghar ko makaan de rahaa huun