bahaar aate hi zakhm-e-dil hare sab ho gae mere — Asad Ali Khan Qalaq

tire honThon se sharmaa kar pasine mein huaa ye tar
khizar ne khud araq ponchhaa jabin-e-aab-e-haivaan kaa

agar na jaama-e-hasti miraa nikal jaataa
to aur thoDe dinon ye libaas chal jaataa

umr to apni hui sab but-parasti mein basar
naam ko duniyaa mein hain ab saahib-e-islaam ham

yaad dilvaaiye un ko jo kabhi vaada-e-vasl
to vo kis naaz se farmaate hain ham bhuul gae

kotaah umr ho gai aur ye na kam hui
ai jaan aa ke tul-e-shab-e-intizaar dekh

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dard-e-dil ke vaaste paidaa kiyaa insaan ko
varna taaat ke liye kuchh kam na the karr-o-bayaan

ab is tarah bhi rivaayat se inhiraaf na kar
badal agarche tu achchhaa na de, kharaab to de

dil se shauq-e-rukh-e-niku na gayaa
jhaanknaa-taaknaa kabhu na gayaa

nahin maalum ai yaaro 'sabaa' ke dil mein kyaa aayaa
abhi jo baiThe baiThe vo yakaayak aah kar uTThaa