kuchh khabar detaa nahin us ki dil-e-aagah mujhe — Asad Ali Khan Qalaq

ai be-khudi-e-dil mujhe ye bhi khabar nahin
kis din bahaar aai main divaana kab huaa

adaa se dekh lo jaataa rahe gila dil kaa
bas ik nigaah pe Thahraa hai faisla dil kaa

sindur us ki maang mein detaa hai yuun bahaar
jaise dhanak nikalti hai abr-e-siyaah mein

phir mujh se is tarah ki na kijegaa dil-lagi
khair is ghaDi to aap kaa main kar gayaa lihaaz

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

yuun ruuh thi adam mein miri bahr-e-tan udaas
ghurbat mein jis tarah ho gharib-ul-vatan udaas

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

dil ki qimat to mohabbat ke sivaa kuchh bhi na thi
jo mile surat-e-zebaa ke kharidaar mile

aankhein jo uThaae to mohabbat kaa gumaan ho
nazron ko jhukaae to shikaayat si lage hai

koi mausam bhi sazaa-vaar-e-mohabbat nahin ab
zard patton ko havaaon se shikaayat nahin ab

ishq vajh-e-zindagi bhi dushman-e-jaani bhi hai
ye nadi paayaab bhi hai aur tufaani bhi hai