meri rusvaai ke asbaab hain mere andar — Asad Badayuni

aate hain barg-o-baar darakhton ke jism par
tum bhi uThaao haath ki mausam duaa kaa hai

jise na meri udaasi kaa kuchh khayaal aayaa
main us ke husn pe ik roz khaak Daal aayaa

chaman vahi ki jahaan par labon ke phuul khilein
badan vahi ki jahaan raat ho gavaaraa bhi

mohabbatein bhi usi aadmi kaa hissa thiin
magar ye baat puraane zamaane vaali hai

parind kyuun miri shaakhon se khauf khaate hain
ki ik darakht huun aur saaya-daar main bhi huun

bichhaD ke tujh se kisi dusre pe marnaa hai
ye tajraba bhi isi zindagi mein karnaa hai

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

vo mere khvaab le ke sirhaane khaDaa rahaa
main so rahi thi us ne jagaayaa nahin mujhe

main ek ret kaa paikar thaa aur bikhar bhi gayaa
ajab thaa khvaab ki main khvaab hi mein Dar bhi gayaa

kyuun javaani ki mujhe yaad aai
main ne ik khvaab saa dekhaa kyaa thaa

jalva-e-tur khvaab-e-musaa hai
kis ne dekhaa hai kis ko dekhaa hai