jalva-e-tur khvaab-e-musaa hai — Asrarul Haq Majaz

tum ne to hukm-e-tark-e-tamannaa sunaa diyaa
kis dil se aah tark-e-tamannaa kare koi

taskin-e-dil-e-mahzun na hui vo sai-e-karam farmaa bhi gae
is sai-e-karam ko kyaa kahiye bahlaa bhi gae taDpaa bhi gae

Dubo di thi jahaan tufaan ne kashti
vahaan sab the khudaa kyaa naa-khudaa kyaa

yaa to kisi ko jurat-e-didaar hi na ho
yaa phir miri nigaah se dekhaa kare koi

ham arz-e-vafaa bhi kar na sake kuchh kah na sake kuchh sun na sake
yaan ham ne zabaan hi kholi thi vaan aankh jhuki sharmaa bhi gae

tumhin to ho jise kahti hai naakhudaa duniyaa
bachaa sako to bachaa lo ki Dubtaa huun main

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

ye zaruri hai ki aankhon kaa bharam qaaem rahe
niind rakkho yaa na rakkho khvaab meyaari rakho

dil ki kheti suukh rahi hai kaisi ye barsaat hui
khvaabon ke baadal aate hain lekin aag barasti hai

roz ik khvaab-e-musalsal aur main
raat bhar yaadon kaa jangal aur main

hui thi khvaab mein khushbu si mahsus
tum aae khvaab ki taabir dekhi