apnaa makaan bhi thaa usi moD par magar — Aslam Aazad

doston ke saath din mein baiTh kar hanstaa rahaa
apne kamre mein vo jaa kar khuub royaa raat bhar

dhuup ke baadal baras kar jaa chuke the aur main
oDh kar shabnam ki chaadar chhat pe soyaa raat bhar

main ne apni khvaahishon kaa qatl khud hi kar diyaa
haath khun-aalud hain in ko abhi dhoyaa nahin

hamaare biich vo chup-chaap baiThaa rahtaa hai
main sochtaa huun magar kuchh mujhe pataa na lage

na dasht o dar se alag thaa na jangalon se judaa
vo apne shahr mein rahtaa thaa phir bhi tanhaa thaa

koi divaar salaamat hai na ab chhat meri
khaana-e-khasta ki surat hui haalat meri

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

jis din se gayaa vo jaan-e-ghazal har misre ki surat bigDi
har lafz pareshaan dikhtaa hai, is darja varaq namnaak huaa

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe