dhuup ke baadal baras kar jaa chuke the aur main — Aslam Aazad

doston ke saath din mein baiTh kar hanstaa rahaa
apne kamre mein vo jaa kar khuub royaa raat bhar

main ne apni khvaahishon kaa qatl khud hi kar diyaa
haath khun-aalud hain in ko abhi dhoyaa nahin

apnaa makaan bhi thaa usi moD par magar
jaane main kis khayaal mein auron ke ghar gayaa

hamaare biich vo chup-chaap baiThaa rahtaa hai
main sochtaa huun magar kuchh mujhe pataa na lage

na dasht o dar se alag thaa na jangalon se judaa
vo apne shahr mein rahtaa thaa phir bhi tanhaa thaa

koi divaar salaamat hai na ab chhat meri
khaana-e-khasta ki surat hui haalat meri

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

vaa'da amir-e-shahr kaa dariyaa-dili kaa thaa
dekh un kaa faiz shahr ko dariyaa banaa diyaa

jab bhi aql banaati hai pahlaa misraa
dil ko misra-e-saani honaa paDtaa hai

botalein khol kar to pi barson
aaj dil khol kar bhi pi jaae

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas