hazaar raaste badle hazaar svaang rache — Aslam Emadi

unhein ye fikr ki dil ko kahaan chhupaa rakkhein
hamein ye shauq ki dil kaa khasaara kyunkar ho

nami utar gai dharti mein tah-ba-tah 'aslam'
bahaar-e-ashk nai rut ki ibtidaa mein hai

havaaein shahr ki aaluda-e-kasaafat hain
ye saaf-suthraa-pan aur ye nafaasatein jhuTi

tumhaare dard se jaage to un ki qadr khuli
vagarna pahle bhi apne the jism-o-jaan vahi

tum mire kamre ke andar jhaankne aae ho kyuun
so rahaa huun chain se huun Thiik hai sab Thiik hai

ham bhi 'aslam' isi gumaan mein hain
ham ne bhi koi zindagi ji thi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

'qatil' ab dil ki dhaDkan ban gai hai chaap qadmon ki
koi meri taraf aataa huaa mahsus hotaa hai

tum maang rahe ho mire dil se miri khvaahish
bachcha to kabhi apne khilaune nahin detaa

de ise bhi farogh-e-husn ki bhiik
dil bhi lag kar qataar mein aayaa

takhliq-e-kaaenaat ke dilchasp jurm par
hanstaa to hogaa aap bhi yazdaan kabhi kabhi