ham dil se rahe tez havaaon ke mukhaalif — Aslam Mahmood

paanv us ke bhi nahin uThte mire ghar ki taraf
aur ab ke raasta badlaa huaa meraa bhi hai

tegh-e-nafas ko bahut naaz thaa raftaar par
ho gai aakhir mire khuun mein nahaa kar khamosh

guzarte jaa rahe hain qaafile tu hi zaraa ruk jaa
ghubaar-e-raah tere saath chalnaa chaahtaa huun main

dekh aa kar ki tire hijr mein bhi zinda hain
tujh se bichhDe the to lagtaa thaa ki mar jaaeinge

tere kuche ki havaa puchhe hai ab ham se
naam kyaa hai kyaa nasab hai ham kahaan ke hain

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ki tamannaa thi masti mein manzil se bhi duur nikalte
apnaa bhi koi saathi hotaa ham bhi bahakte chalte chalte

mujh se kahaa jibril-e-junun ne ye bhi vahi-e-ilaahi hai
mazhab to bas mazhab-e-dil hai baaqi sab gumraahi hai

fareb-e-saaqi-e-mahfil na puchhiye 'majruh'
sharaab ek hai badle hue hain paimaane

ab kaargah-e-dahr mein lagtaa hai bahut dil
ai dost kahin ye bhi tiraa gham to nahin hai