paanv us ke bhi nahin uThte mire ghar ki taraf — Aslam Mahmood

tegh-e-nafas ko bahut naaz thaa raftaar par
ho gai aakhir mire khuun mein nahaa kar khamosh

guzarte jaa rahe hain qaafile tu hi zaraa ruk jaa
ghubaar-e-raah tere saath chalnaa chaahtaa huun main

dekh aa kar ki tire hijr mein bhi zinda hain
tujh se bichhDe the to lagtaa thaa ki mar jaaeinge

tere kuche ki havaa puchhe hai ab ham se
naam kyaa hai kyaa nasab hai ham kahaan ke hain

ab ye samjhe ki andheraa bhi zaruri shai hai
bujh gaiin aankhein ujaalon ki faraavaani se

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

yaad-e-farogh-e-dast-e-hinaai na puchhiye
har zakhm-e-dil ko rashk-e-namak-daan banaa diyaa

khalvat-e-jaan mein tiraa dard basaanaa chaahe
dil samundar mein bhi divaar uThaanaa chaahe

ishq ke phande se bachiye ai 'haqir'-e-khasta-dil
is kaa hai aaghaaz shirin aur hai anjaam talkh

kyuun na kaabe ko kahun allaah kaa aur but kaa ghar
vo bhi mere dil mein hai aur ye bhi mere dil mein hai