kahaan bhaTakti phiregi andheri galiyon mein — Aslam Mahmood

paanv us ke bhi nahin uThte mire ghar ki taraf
aur ab ke raasta badlaa huaa meraa bhi hai

tegh-e-nafas ko bahut naaz thaa raftaar par
ho gai aakhir mire khuun mein nahaa kar khamosh

guzarte jaa rahe hain qaafile tu hi zaraa ruk jaa
ghubaar-e-raah tere saath chalnaa chaahtaa huun main

dekh aa kar ki tire hijr mein bhi zinda hain
tujh se bichhDe the to lagtaa thaa ki mar jaaeinge

tere kuche ki havaa puchhe hai ab ham se
naam kyaa hai kyaa nasab hai ham kahaan ke hain

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ai sanam tu vo kanhayyaa hai balaaein luun agar
baansuli ki tarah naalaan hon saraapaa ungliyaan

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

gul kiyaa jis ne vo thaa aur magar
shama ne shikva havaaon se kiyaa