jis ki khaatir main bhulaa baiThaa thaa apne aap ko — Ata Ul Haq Qasmi

dilon se khauf nikaltaa nahin azaabon kaa
zamin ne oDh liye sar par aasmaan phir se

lagtaa nahin ki us se maraasim bahaal hon
main kyaa karun ki thoDaa saa paagal to main bhi huun

use ab bhuul jaane kaa iraada kar liyaa hai
bharosa ghaaliban khud par ziyaada kar liyaa hai

vo ek shakhs ki manzil bhi raastaa bhi hai
vahi duaa bhi vahi haasil-e-duaa bhi hai

ye kis azaab mein us ne phansaa diyaa mujh ko
ki us kaa dhyaan koi kaam karne detaa nahin

gum huaa jaataa hai koi manzilon ki gard mein
zindagi bhar ki masaafat raaegaan hone ko hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

jis kaa inkaar hatheli pe liye phirtaa huun
jaantaa hi nahin inkaar kaa matlab kyaa hai

main bhi kuchh der se baiThaa huun nishaane pe 'zafar'
aur vo kheinchaa huaa tiir bhi chal jaanaa hai