vo ek shakhs ki manzil bhi raastaa bhi hai — Ata Ul Haq Qasmi

dilon se khauf nikaltaa nahin azaabon kaa
zamin ne oDh liye sar par aasmaan phir se

lagtaa nahin ki us se maraasim bahaal hon
main kyaa karun ki thoDaa saa paagal to main bhi huun

use ab bhuul jaane kaa iraada kar liyaa hai
bharosa ghaaliban khud par ziyaada kar liyaa hai

jis ki khaatir main bhulaa baiThaa thaa apne aap ko
ab usi ke bhuul jaane kaa hunar bhi dekhnaa

ye kis azaab mein us ne phansaa diyaa mujh ko
ki us kaa dhyaan koi kaam karne detaa nahin

gum huaa jaataa hai koi manzilon ki gard mein
zindagi bhar ki masaafat raaegaan hone ko hai

sunne vaale ro diye sun kar mariz-e-gham kaa haal
dekhne vaale taras khaa kar duaa dene lage

mahv yuun ho gae alfaaz-e-duaa vaqt-e-duaa
haath se zarf-e-talab chhuT gayaa ho jaise

jab bhi kashti bhanvar mein aai hai
ik du'aa bhi asar mein aai hai

manzil mili muraad mili muddaaa milaa
sab kuchh mujhe milaa jo tiraa naqsh-e-paa milaa

husn kaa har khayaal raushan hai
ishq kaa muddaaa kise maalum

bhare hon aankh mein aansu khamida gardan ho
to khaamushi ko bhi izhaar-e-muddaaa kahiye