baazaar-e-aarzu mein kaTi jaa rahi hai umr — Azeem Haider Syed

ai shaam-e-hijr-e-yaar miri tu gavaahi de
main tere saath saath rahaa ghar nahin gayaa

libaas dekh ke itnaa hamein gharib na jaan
hamaaraa gham tiri imlaak se ziyaada hai

isi liye to haar kaa huaa nahin malaal tak
vo mere saath saath thaa uruuj se zavaal tak

chaman ujaaDne vaalo tumhein khudaa samjhe
tumhein na aai hayaa phuul to hamaare gae

tu ne bhi saare zakhm kisi taur sah liye
main bhi bichhaD ke ji hi liyaa mar nahin gayaa

dene vaale tu mujhe niind na de khvaab to de
mujh ko mahtaab se aage bhi kahin jaanaa hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi bhar ki kamaai ye ta'alluq hi to hai
kuchh bache yaa na bache is ko bachaa rakhte hain

jo log maut ko zaalim qaraar dete hain
khudaa milaae unhein zindagi ke maaron se

jiinaa mushkil to bahut hai tiri is duniyaa mein
lekin is khvaab ko marnaa bhi nahin chaahiye hai