dukh safar kaa hai ki apnon se bichhaD jaane kaa gham — Azhar Naqvi

khvaab muTThi mein liye phirte hain sahraa sahraa
ham vahi log hain jo dhuup ke par kaaTte hain

ab to mujh ko bhi nahin milti miri koi khabar
kitnaa gumnaam huaa huun main numaayaan ho kar

raat bhar chaand se hoti rahein teri baatein
raat khole hain sitaaron ne tire raaz bahut

ek ik saans mein sadiyon kaa safar kaaTte hain
khauf ke shahr mein rahte hain so Dar kaaTte hain

ek hangaama saa yaadon kaa hai dil mein 'azhar'
kitnaa aabaad huaa shahr ye viraan ho kar

ajab hairat hai akasr dekhtaa hai mere chehre ko
ye kis naa-aashnaa kaa aaine mein aks rahtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

khushi hi shart nahin lutf-e-zindagi ke liye
mataa-e-gham bhi zaruri hai aadmi ke liye

haan ye bhi tariqa achchhaa hai tum khvaab mein milte ho mujh se
aate bhi nahin gham-khaane tak vaada bhi vafaa ho jaataa hai

lazzat-e-dard mili jurm-e-mohabbat mein use
vo sazaa paai hai dal ne ki khataa jhuum uThi