tujh ko paaein tujhe kho baiThein phir — Azra Waheed

dilon mein talkhiyaan phir bhi nazar mein muskuraahaT ho
balaa ke habs mein bhi ho havaa aisaa bhi hotaa hai

aagahi ne diye ibhaam ke dhoke kyaa kyaa
sharh-e-alfaaz jo likkhi to ishaare likkhe

lahu rulaate hain aur phir bhi yaad aate hain
mohabbaton ke puraane nisaab se kuchh hain

main kaun huun ki hai sab kaanch kaa vajud miraa
miraa libaas bhi mailaa dikhaai detaa hai

baadalon ki aas us ke saath hi rukhsat hui
shahr ko vo aag ki be-rahmiyaan bhi de gayaa

us raat ke maathe par ubhreinge sitaare bhi
ye khauf andheron kaa shaadaab nahin rahnaa

kam-umri mein sunet hain
mar jaate hain achchhe log

zindagi ke bahut qarib na jaa
faasla kuchh to apne dhyaan mein rakh

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe