in hasraton se kah do kahin aur jaa basein — Bahadur Shah Zafar

ab ki jo raah-e-mohabbat mein uThaai taklif
sakht hoti hamein manzil kabhi aisi to na thi

kitnaa hai bad-nasib 'zafar' dafn ke liye
do gaz zamin bhi na mili ku-e-yaar mein

dekh dil ko mire o kaafir-e-be-pir na toD
ghar hai allaah kaa ye is ki to taamir na toD

kyaa taab kyaa majaal hamaari ki bosa lein
lab ko tumhaare lab se milaa kar kahe baghair

khvaab meraa hai ain bedaari
main to us mein bhi dekhtaa kuchh huun

bulbul ko baaghbaan se na sayyaad se gila
qismat mein qaid likkhi thi fasl-e-bahaar mein

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kuza-gar main tiri mohabbat mein
apni surat bigaaD leti huun

zindagi ishq-o-mohabbat se javaan hoti hai
varna be-kaif si be-taab-o-tavaan hoti hai

bikherte raho sahraa mein biij ulfat ke
ki biij hi to ubhar kar shajar banaate hain

ishq mein kyaa nuqsaan nafa hai ham ko kyaa samjhaate ho
ham ne saari umr hi yaaro dil kaa kaarobaar kiyaa