havaa hai ret hai dasht-e-vafaa hai — Baharunnisa Bahar

viraan zindagi ke ye lamhe ajiib hain
bazm-e-tarab mein dhuum hai furqat dhamaal se

ye zakhm-e-anaa kaafi hai ai yusuf-e-dauraan
is chashm-e-zulekhaa ko tu ghamnaak na karnaa

munjamid ho zindagi mein jab kabhi shahr-e-khayaal
phir charaagh-e-dil se us ko jagmagaanaa chaahiye

ghaayal vajud soch ki baisaakhiyaan liye
milne chalaa hai guzre hue maah-o-saal se

harf saare bol uTThein jab bhi main likhne lagun
ab koi jazba miraa mahv-e-duaa lagtaa nahin

ashk ke abr-e-ravaan mein DhunDhti huun main tujhe
aas ki in titliyon ko bhi Thikaanaa chaahiye

kitnaa ajib-tar hai aqida janaab kaa
patthar ki muraton se vafaa maang rahe ho

mujh ko jab ahd-e-vafaa yaad aayaa
us ko bhi shaghl-e-jafaa yaad aayaa

dusri ne jo sambhaali chappal
pahli biivi ki vafaa yaad aai

husn tanhaa nahin haqdaar vafaa kaa 'mohsin'
ishq ne bhi kaf-e-afsos male hain barson

ai mauj-e-balaa un ko bhi zaraa do chaar thapeDe halke se
kuchh log abhi tak saahil se tufaan kaa nazaara karte hain

tark-e-taalluqaat kaa kuchh un ko gham nahin
ham to shikast-e-ahd-e-vafaa se malul hain