munjamid ho zindagi mein jab kabhi shahr-e-khayaal — Baharunnisa Bahar

viraan zindagi ke ye lamhe ajiib hain
bazm-e-tarab mein dhuum hai furqat dhamaal se

ye zakhm-e-anaa kaafi hai ai yusuf-e-dauraan
is chashm-e-zulekhaa ko tu ghamnaak na karnaa

ghaayal vajud soch ki baisaakhiyaan liye
milne chalaa hai guzre hue maah-o-saal se

harf saare bol uTThein jab bhi main likhne lagun
ab koi jazba miraa mahv-e-duaa lagtaa nahin

ashk ke abr-e-ravaan mein DhunDhti huun main tujhe
aas ki in titliyon ko bhi Thikaanaa chaahiye

havaa hai ret hai dasht-e-vafaa hai
ruton ko aataa jaataa dekhti huun

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

pachpan baras ki umr to hone ko aa gai
lekin vo chehra aaankhon se ojhal na ho sakaa