ye zaafraani pullover usi kaa hissa hai — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

ham donon kaa 'ishq mukammal honaa mushkil lagtaa hai
tu jins-e-jinnaat ki paidaa aur main beTaa aadam kaa

ishq ik hikaayat hai sarfarosh duniyaa ki
hijr ik masaafat hai be-nigaar sahraa ki

main raah-e-ishq ke har pech-o-kham se vaaqif huun
ye raasta mire ghar se nikal ke jaataa hai