main kahaan rakkhun phir masarrat ko — Batool Mussarat

main huun naa-samajh kitni ye dekh lo tum
main samjhi nahin vo jo samjhaa hai tum ne

sune is dil ki koi baat aa kar
koi to de mohabbat ke ujaale

zamaane mein hai us ki khush-nasibi
jo khud ko jabr-e-hasti se bachaa le

vo kaise toD lein rishta kisi se
ho jin ki ziist kaa naa'ra ta'alluq

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

gham natija hai khushi ki intihaa kaa ai 'kalim'
dil ki ik ik mauj mauj-e-shaadmaani ho to kyaa

maqaam-e-zabt gham-e-ishq mein vo paidaa kar
ki tu khushi ko na tarse tujhe khushi tarse

tu hansi le ke miri aankh ko aansu de de
mujh se sukhaa huaa dariyaa nahin dekhaa jaataa