zamaane mein hai us ki khush-nasibi — Batool Mussarat

main huun naa-samajh kitni ye dekh lo tum
main samjhi nahin vo jo samjhaa hai tum ne

main kahaan rakkhun phir masarrat ko
ruuh mein gar udaasi bhar jaae

sune is dil ki koi baat aa kar
koi to de mohabbat ke ujaale

vo kaise toD lein rishta kisi se
ho jin ki ziist kaa naa'ra ta'alluq

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa