maqaam-e-zabt gham-e-ishq mein vo paidaa kar — Hamid Mukhtar Hamid

umr hi teri guzar jaaegi un ke hal mein
teraa bachcha jo savaalaat liye baiThaa hai

ye jafaaon ki sazaa hai ki tamaashaai hai tu
ye vafaaon ki sazaa hai ki pae-daar huun main

mujh se ye pyaas kaa sahraa nahin dekhaa jaataa
roz ab khvaab mein dariyaa nahin dekhaa jaataa

aaj kaa khat hi use bhejaa hai koraa lekin
aaj kaa khat hi adhuraa nahin likhkhaa main ne

ye buzurgon ki ravaa-daari ke pazh-murda gulaab
aabiyaari chaahte hain in mein chingaari na rakh

tu hansi le ke miri aankh ko aansu de de
mujh se sukhaa huaa dariyaa nahin dekhaa jaataa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

koi pursaan nahin ghamon kaa 'zafar'
dekhne mein hazaar rishte hain

bahut achchhaa huaa aansu na nikle meri aankhon se
bapaa mahfil mein ik taaza qayaamat aur ho jaati

kyaa gham jo hasraton ke diye bujh gae tamaam
daaghon se aaj ghar mein charaaghaan kareinge ham