dair-o-haram ko dekh liyaa khaak bhi nahin — Bekhud Badayuni

gardish-e-bakht se baDhti hi chali jaati hain
miri dil-bastagiyaan zulf-e-girah-gir ke saath

shikva sun kar jo mizaaj-e-but-e-bad-khu badlaa
ham ne bhi saath hi taqrir kaa pahlu badlaa

khuun ho jaaein khaak mein mil jaaein
hazrat-e-dil se kuchh baiid nahin

vo un kaa vasl mein ye kah ke muskuraa denaa
tulu-e-subh se pahle hamein jagaa denaa

vo jo kar rahe hain bajaa kar rahe hain
ye jo ho rahaa hai bajaa ho rahaa hai

apni khu-e-vafaa se Dartaa huun
aashiqi bandagi na ho jaae

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

jab ki pahlu se yaar uThtaa hai
dard be-ikhtiyaar uThtaa hai

ek hi anjaam hai ai dost husn o ishq kaa
shama bhi bujhti hai parvaanon ke jal jaane ke baad

insaaf ke parde mein ye kyaa zulm hai yaaro
dete ho sazaa aur khataa aur hi kuchh hai