mujh ko na dil pasand na vo bevafaa pasand — Bekhud Dehlvi

paDhe jaao 'bekhud' ghazal par ghazal
vo but ban gae hain sune jaaeinge

huron se na hogi ye mudaaraat kisi ki
yaad aaegi jannat mein mulaaqaat kisi ki

raqibon ke liye achchhaa Thikaanaa ho gayaa paidaa
khudaa aabaad rakhe main to kahtaa huun jahannam ko

mohabbat aur majnun ham to saudaa is ko kahte hain
fidaa lailaa pe thaa aankhon kaa andhaa is ko kahte hain

bole vo muskuraa ke bahut iltijaa ke baad
ji to ye chaahtaa hai tiri maan jaaiye

maut aa rahi hai vaade pe yaa aa rahe ho tum
kam ho rahaa hai dard dil-e-be-qaraar kaa

ye dil-fareb charaaghaan ye qahqahon ke hujum
main Dar rahaa huun ab is shahar se guzarte hue

ek parda saa hai fareb-e-nazar
ye bhi uTThe to dekhnaa kyaa hai

sath-e-dariyaa kaa ye saffaak sukun hai dhokaa
ye tiri naav kisi vaqt Dubo saktaa hai

phir oDh kar chali hai havas ishq ki ridaa
phir baDh gae fareb ke imkaan nae nae

dhokaa khaane pe ro paDaa hogaa
ye koi 'ishq mein nayaa hogaa

yuun uThe ik din ki logon ko huaa
abr kaa dhokaa hamaari khaak par