neki kaa koi kaam hi aayaa nahin mujh se — Chandu Lal Bahadur Shadan

jalva-gar thaa har jagah kaa'ba thaa yaa but-khaana thaa
ghar hazaaron the magar vo ek saahab-khaana thaa

aataa nahin jo saamne maare hijaab ke
ham dil se hain nisaar usi aaftaab ke

bharosa hai tiraa hi aur hai tere sivaa kis kaa
na deve aasraa jab tu mujhe ho aasraa kis kaa

hairaan thaa ki dil meraa kahaan jaa ke chhupaa hai
jugnu ki tarah yaar ki dastaar mein chamkaa

nuur thaa yaa shoala thaa yaa barq yaa khurshid thaa
kuchh to ai muusaa kaho kyaa thaa vo jalva tuur kaa

jab ghunche ne sar apnaa garebaan se nikaalaa
bulbul ne qadam phir na gulistaan se nikaalaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa