gham-e-hasti bhalaa kab mo'tabar ho — Karamat Ali Karamat

main shuaa-e-zaat ke siine mein gunjaa huun kabhi
aur 'karaamat' main kabhi lamhon ke khvaabon mein rahaa

achchhaa hai yaa kharaab nahin is se vaasta
phuTaa huaa ye meraa muqaddar mujhe aziiz

manzil pe bhi pahunch ke mayassar nahin sakun
majbur is qadar hain shuur-e-safar se ham

koi zamin hai to koi aasmaan hai
har shakhs apni zaat mein ik daastaan hai

hamesha aag ke dariyaa mein ishq kyuun utre
kabhi to husn ko gharq-e-azaab honaa thaa

ye apne hi kirdaar kaa hai natija
jo rab ki taraf se ye ham par ghazab hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ham ahl-e-dil ne meayaar-e-mohabbat bhi badal Daale
jo gham har fard kaa gham hai usi ko gham samajhte hain

pi to luun aankhon mein umDe hue aansu lekin
dil pe qaabu bhi to ho zabt kaa yaaraa bhi to ho

daaman jhaTak ke vaadi-e-gham se guzar gayaa
uTh uTh ke dekhti rahi gard-e-safar mujhe