vo kyaa khushi thi jo dil mein bahaal rahti thi — Faizan Hashmi

bahut qadim nahin kal kaa vaaqia hai ye
main is zamin pe utraa thaa teri zaat ke saath

khalaa mein girvi rakkhaa apne saare khvaabon ko
aur is zamin pe chhoTaa saa ghar liyaa main ne

teri hi sair ke liye aataa rahungaa baar baar
teraa thaa saat din kaa shauq meri hai umr bhar ki sair

bas yahi soch ke rahtaa huun main zinda is mein
ye mohabbat hai koi mar nahin saktaa is mein

main apni khushiyaan akele manaayaa kartaa huun
yahi vo gham hai jo tujh se chhupaa huaa hai miraa

main us ko khvaab mein kuchh aise dekhaa kartaa thaa
tamaam raat vo sote mein muskuraati thi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jab bhi aql banaati hai pahlaa misraa
dil ko misra-e-saani honaa paDtaa hai

kafan ai gard-e-lahad dekh na mailaa ho jaae
aaj hi ham ne ye kapDe hain nahaa ke badle

roz-e-jazaa gila to kyaa shukr-e-sitam hi ban paDaa
haae ki dil ke dard ne dard ko dil banaa diyaa

raas aane lagi duniyaa to kahaa dil ne ki jaa
ab tujhe dard ki daulat nahin milne vaali