teri hi sair ke liye aataa rahungaa baar baar — Faizan Hashmi

bahut qadim nahin kal kaa vaaqia hai ye
main is zamin pe utraa thaa teri zaat ke saath

khalaa mein girvi rakkhaa apne saare khvaabon ko
aur is zamin pe chhoTaa saa ghar liyaa main ne

bas yahi soch ke rahtaa huun main zinda is mein
ye mohabbat hai koi mar nahin saktaa is mein

main apni khushiyaan akele manaayaa kartaa huun
yahi vo gham hai jo tujh se chhupaa huaa hai miraa

vo kyaa khushi thi jo dil mein bahaal rahti thi
magar vajh nahin banti thi muskuraane ki

main us ko khvaab mein kuchh aise dekhaa kartaa thaa
tamaam raat vo sote mein muskuraati thi

kam-umri mein sunet hain
mar jaate hain achchhe log

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

idhar to tuul diyaa hai umiid ko us ne
udhar hayaat ataa ki hai mukhtasar mujh ko

zindagi tu bhi hamein vaise hi ik roz guzaar
jis tarah ham tujhe barson se guzaare hue hain