yuun na qaatil ko jab yaqin aayaa — Fani Badayuni

vahm-o-qayaas ke sivaa haasil-e-hosh kuchh nahin
fahm ki ibtidaa hai vahm aql ki had qayaas hai

har nafas umr-e-guzishta ki hai mayyat 'faani'
zindagi naam hai mar mar ke jiye jaane kaa

har musibat kaa diyaa ek tabassum se javaab
is tarah gardish-e-dauraan ko rulaayaa main ne

maujon ki siyaasat se maayus na ho 'faani'
girdaab ki har tah mein saahil nazar aataa hai

aabaadi bhi dekhi hai viraane bhi dekhe hain
jo ujDe aur phir na base dil vo niraali basti hai

yaa-rab tiri rahmat se maayus nahin 'faani'
lekin tiri rahmat ki taakhir ko kyaa kahiye

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ki taklif kam nahin karte
ab koi shikva ham nahin karte

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa

ik nazar ne kiyaa hai kaam tamaam
aarzu bhi to thi yahi dil ki

vo bhi milne nai poshaak badal kar aayaa
main jo kal pairahan-e-khaak badal kar aayaa