ai mujhe phuul bhejne vaale — Fariha Naqvi

ain mumkin hai use mujh se mohabbat hi na ho
dil bahar-taur use apnaa banaanaa chaahe

vo khudaa hai to bhalaa us se shikaayat kaisi?
muqtadir hai vo sitam mujh pe jo Dhaanaa chaahe

kis kis phuul ki shaadaabi ko maskh karoge bolo!!!
ye to us ki den hai jis ko chaahe vo mahkaae

andar aisaa habs thaa main ne khol diyaa darvaaza
jis ne dil se jaanaa hai vo khaamoshi se jaae

aankh aur baadal donon TuuT ke rote hain
jaane in kaa aapas mein kyaa rishta hai

tumhaare rang phike paD gae naan
miri aankhon ki viraani ke aage

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

na zikr gul kaa kahin hai na maahtaab kaa hai
tamaam shahr mein charchaa tire shabaab kaa hai

phuul lagte hain zaraa der se avval avval
shaakh-e-gul par bhi miyaan khaar hi lagte hain naa

janaaza rok kar meraa vo is andaaz se bole
gali ham ne kahi thi tum to duniyaa chhoDe jaate ho