gham-e-ishq hi ne kaaTi gham-e-ishq ki musibat — Farooq Banspari

sitaaron se shab-e-gham kaa to daaman jagmagaa uThThaa
magar aansu bahaa kar hijr ke maaron ne kyaa paayaa

mire naakhudaa na ghabraa ye nazar hai apni apni
tire saamne hai tufaan mire saamne kinaaraa

yaqin mujhe bhi hai vo aaeinge zarur magar
vafaa karegi kahaan tak ki zindagi hi to hai

miri zindagi kaa mahvar yahi soz-o-saaz-e-hasti
kabhi jazb-e-vaalhaana kabhi zabt-e-aarifaana

nadim taarikh-e-fath-e-daanish bas itnaa likh kar tamaam kar de
ki shaatiraan-e-jahaan ne aakhir khud apni chaalon se maat khaai

allaah ke bandon ki hai duniyaa hi niraali
kaanTe koi botaa hai to ugte hain gulistaan

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

yuun aati hain ab mere tanaffus ki sadaaein
jis tarah se detaa hai koi nauhagar aavaaz

tum aziiz aur tumhaaraa gham bhi aziiz
kis se kis kaa gilaa kare koi

vo puchhte hain dil-e-mubtalaa kaa haal aur ham
javaab mein faqat aansu bahaae jaate hain