allaah ke bandon ki hai duniyaa hi niraali — Farooq Banspari

sitaaron se shab-e-gham kaa to daaman jagmagaa uThThaa
magar aansu bahaa kar hijr ke maaron ne kyaa paayaa

gham-e-ishq hi ne kaaTi gham-e-ishq ki musibat
isi mauj ne Duboyaa isi mauj ne ubhaaraa

mire naakhudaa na ghabraa ye nazar hai apni apni
tire saamne hai tufaan mire saamne kinaaraa

yaqin mujhe bhi hai vo aaeinge zarur magar
vafaa karegi kahaan tak ki zindagi hi to hai

miri zindagi kaa mahvar yahi soz-o-saaz-e-hasti
kabhi jazb-e-vaalhaana kabhi zabt-e-aarifaana

nadim taarikh-e-fath-e-daanish bas itnaa likh kar tamaam kar de
ki shaatiraan-e-jahaan ne aakhir khud apni chaalon se maat khaai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gul kiyaa jis ne vo thaa aur magar
shama ne shikva havaaon se kiyaa

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas