yahi din hain barat le jitne zevar teraa ji chaahe — Fay Seen Ejaz

tujh ko manzur nahin mujh ko hai ab bhi manzur
meri qurbat mire bose mujhe vaapas kar de

main kahaan aayaa huun laae hain tiri mahfil mein
miri vahshat mire majbur qadam aap hi aap

ab ke ruThe to manaane nahin aayaa koi
baat baDh jaae to ho jaati hai kam aap hi aap

mil rahi hai mujhe naa-karda gunaahon ki sazaa
mere maalik mire sajde mujhe vaapas kar de

koi to zid mein ye aa kar kabhi kahe ham se
ye baat yuun nahin aise thi yuun huaa hogaa

miraa rotaa bachcha bahaltaa thaa jis se
vo lakDi kaa haathi uThaa le gayaa vo

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

raushni bhi tirgi bhi saath hai yaa yuun kahein
zindagi khush hai magar khush bhi tavaaif ki tarah

maut ne aa kar bachaayaa phir mujhe
dard ne jab zindagi se baat ki

kis ki aankhon ko niind chubhti hai
kaun jaagaa rahaa hai umr ke saath