miraa rotaa bachcha bahaltaa thaa jis se — Fay Seen Ejaz

main kahaan aayaa huun laae hain tiri mahfil mein
miri vahshat mire majbur qadam aap hi aap

ab ke ruThe to manaane nahin aayaa koi
baat baDh jaae to ho jaati hai kam aap hi aap

mil rahi hai mujhe naa-karda gunaahon ki sazaa
mere maalik mire sajde mujhe vaapas kar de

yahi din hain barat le jitne zevar teraa ji chaahe
Dhalegi umr to ye chaandi sonaa kaun dekhegaa

koi to zid mein ye aa kar kabhi kahe ham se
ye baat yuun nahin aise thi yuun huaa hogaa

tujh ko manzur nahin mujh ko hai ab bhi manzur
meri qurbat mire bose mujhe vaapas kar de

main baDaa ho gayaa huun magar bachpanaa
mere dil se kabhi bhi gayaa hi nahin

ab tak hamaari umr kaa bachpan nahin gayaa
ghar se chale the jeb ke paise giraa diye

bachche ne titli pakaD kar chhoD di
aaj mujh ko bhi khudaa achchhaa lagaa

main ne bachpan mein adhuraa khvaab dekhaa thaa koi
aaj tak masruf huun us khvaab ki takmil mein

koi schōl ki ghanTi bajaa de
ye bachcha muskuraanaa chaahtaa hai

'kaif' yuun aaghosh-e-fan mein zehn ko niind aa gai
jaise maan ki god mein bachcha sisak kar so gayaa