na tum aae na chain aayaa na maut aai shab-e-vaada — Fayyaz Hashmi

abas naadaaniyon par aap apni naaz karte hain
abhi dekhi kahaan hain aap ne naadaaniyaan meri

chori khudaa se jab nahin bandon se kis liye
chhupne mein kuchh mazaa nahin sab ko dikhaa ke pi

sabhi se jab mohabbat chaahte ho
mohabbat kyon nahin karte sabhi se

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

sau fasaad ek ishq mein uTThe
boyaa ik tukhm uge hazaar darakht

husn jalva dikhaa gayaa apnaa
ishq baiThaa rahaa udaas kahin