is ki zulf aaraasta pairaasta — Firaq Gorakhpuri

tiraa visaal baDi chiiz hai magar ai dost
visaal ko miri duniyaa-e-aarzu na banaa

samajhnaa kam na ham ahl-e-zamin ko
utarte hain sahife aasmaan se

tire pahlu mein kyuun hotaa hai mahsus
ki tujh se duur hotaa jaa rahaa huun

ek muddat se tiri yaad bhi aai na hamein
aur ham bhuul gae hon tujhe aisaa bhi nahin

bahut pahle se un qadmon ki aahaT jaan lete hain
tujhe ai zindagi ham duur se pahchaan lete hain

sunte hain ishq naam ke guzre hain ik buzurg
ham log bhi faqir usi silsile ke hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

mire hamraah garche duur tak logon ki raunaq hai
magar jaise koi kam hai kabhi milne chale aao

vo nahin aaj-kal khafaa ham se
koi niklaa hai raasta shaayad