aadmi kaa aadmi har haal mein hamdard ho — Hafeez Jaunpuri

is ko samjho na khatt-e-nafs 'hafiz'
aur hi kuchh hai shaaeri se gharaz

jo divaanon ne paimaaish ki hai maidaan-e-qayaamat ki
faqat do gaz zamin Thahri vo mere dasht-e-vahshat ki

o aankh badal ke jaane vaale
kuchh dhyaan kisi ki aajizi kaa

pari thi koi chhalaavaa thi yaa javaani thi
kahaan ye ho gai champat jhalak dikhaa ke mujhe

kabhi masjid mein jo vaaiz kaa bayaan suntaa huun
yaad aati hai mujhe pir-e-kharaabaat ki baat

bahut duur to kuchh nahin ghar miraa
chale aao ik din Tahalte hue

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

kyaa khabar thi is qadar pur-kaif naghme hain nihaan
zindagi ko ek saaz-e-be-sadaa samjhaa thaa main

zakhm-e-tanhaai mein khushbu-e-hinaa kis ki thi
saaya divaar pe meraa thaa sadaa kis ki thi