aane lage hain vo bhi ayaadat ke vaaste — Hameed Jalandhari

siine mein raaz-e-ishq chhupaayaa na jaaegaa
ye aag vo hai jis ko dabaayaa na jaaegaa

un ki jafaaon par bhi vafaa kaa huaa gumaan
apni vafaaon ko bhi faraamosh kar diyaa

phir gai ik aur hi duniyaa nazar ke saamne
baiThe baiThe kyaa bataaun kyaa mujhe yaad aa gayaa

hui muddat ki un ko khvaab mein bhi ab nahin dekhaa
main jin galiyon mein apne doston ke saath khelaa thaa

bhuli nahin ujDe hue gulshan ki bahaarein
haan yaad hain vo din ki hamaaraa bhi khudaa thaa

kis shaan se gae hain shahidaan-e-ku-e-yaar
qaatil bhi haath uThaa ke sharik-e-duaa hue

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

umr sayyaad ki guzri isi jaasusi mein
gul ko naama na kare murgh-e-giraftaar-e-ravaan

juute ke intikhaab ko masjid mein jab gae
vo jutiyaan paDin ki khudaa yaad aa gayaa

aaj nikle yaad ki zambil se
mor ke TuuTe hue do chaar par

'zafar' aadmi us ko na jaaniyegaa vo ho kaisaa hi saahab-e-fahm-o-zakaa
jise aish mein yaad-e-khudaa na rahi jise taish mein khauf-e-khudaa na rahaa