kis shaan se gae hain shahidaan-e-ku-e-yaar — Hameed Jalandhari

aane lage hain vo bhi ayaadat ke vaaste
ai chaaraagar mariz ko achchhaa kiyaa na jaae

siine mein raaz-e-ishq chhupaayaa na jaaegaa
ye aag vo hai jis ko dabaayaa na jaaegaa

un ki jafaaon par bhi vafaa kaa huaa gumaan
apni vafaaon ko bhi faraamosh kar diyaa

phir gai ik aur hi duniyaa nazar ke saamne
baiThe baiThe kyaa bataaun kyaa mujhe yaad aa gayaa

hui muddat ki un ko khvaab mein bhi ab nahin dekhaa
main jin galiyon mein apne doston ke saath khelaa thaa

bhuli nahin ujDe hue gulshan ki bahaarein
haan yaad hain vo din ki hamaaraa bhi khudaa thaa

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

dosti ko buraa samajhte hain
kyaa samajh hai vo kyaa samajhte hain

mujh ko aur yaar ko donon se sarokaar nahin
kufr kaafir ko musalmaan ko hai islaam pasand

achchhi-khaasi dosti thi yaar ham donon ke biich
ek din phir us ne izhaar-e-mohabbat kar diyaa

chaahiye hai mujhe inkaar-e-mohabbat mire dost
lekin is mein tiraa inkaar nahin chaahiye hai