ye jo chupke se aae baiThe hain — Meer Mehdi Majrooh

churaa ke muTThi mein dil ko chhupaae baiThe hain
bahaanaa ye hai ki mehndi lagaae baiThe hain

shaghl-e-ulfat ko jo ahbaab buraa kahte hain
kuchh samajh mein nahin aataa ki ye kyaa kahte hain

itnaa mardud huun ki Dar hai mujhe
qabr se pheink de zamin na kahin

apni kashti kaa hai khudaa haafiz
pichhe tufaan hai saamne girdaab

kyuun paas mire aa kar yuun baiThe ho munh phere
kyaa lab tire misri hain main jin ko chabaa jaataa

aa hi kuudaa thaa dair mein vaaiz
ham ne Taalaa khudaa khudaa kar ke

main baDaa ho gayaa huun magar bachpanaa
mere dil se kabhi bhi gayaa hi nahin

koi kashti kahin maghrur ho jaae na paani mein
sukut-e-bahr ko qasdan talaatum honaa paDtaa hai

jahaan zidein kiyaa kartaa thaa bachpanaa meraa
kahaan se laaun khilaunon ki un dukaanon ko

khudaa ki khamoshi mein shaayad ho us kaa vajud
zamaana huaa naam apnaa pukaare hue

khamoshi meri maani-khez thi ai aarzu kitni
ki jis ne jaisaa chaahaa vaisaa afsaana banaa Daalaa

chup-chaap apni aag mein jalte raho 'faraaz'
duniyaa to arz-e-haal se be-aabru kare