na chhoDaa sard jhonkon ne vafaa ko — Hanif Fauq

main ne apni palkon par gham-kade sajaae hain
aarzu ke maatam mein sogvaar hasti hai

main teri jumbish-e-mizhgaan se kaanp jaataa hon
agarche dil ko gham-e-do-jahaan se Dar bhi nahin

kitni naadida bahaaron ki tamannaa-e-javaan
daaman-e-jaan mein mire aag lagaa deti hai

ik janam ke pyaase bhi sair hon to ham jaanein
yuun to rahmat-e-yazdaan chaar-su barasti hai

udaas raaton ki tirgi mein na koi taaraa na koi jugnu
kisi kaa naqsh-e-qadam hi chamke to nuur kaa e'tibaar aae

vaqt ki laash pe rone ko jigar hai kis kaa
kis janaaze ko liye ahl-e-nazar aate hain

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ek do roz kaa sadma ho to ro lein 'faakir'
ham ko har roz ke sadmaat ne rone na diyaa

tum bhi aakhir ho mard kyaa jaano
ek aurat kaa dard kyaa jaano

aadmi huun vasf-e-paighambar na maang
mujh se mere dost meraa sar na maang