hasin yaadon ke chaand ko alvidaaa kah kar — Hasan Abbasi

vo baad-e-muddat milaa to rone ki aarzu mein
nikal ke aankhon se gir paDe chand khvaab aage

kabhi jo aankhon ke aa gayaa aaftaab aage
tire tasavvur mein ham ne kar li kitaab aage

us ajnabi se haath milaane ke vaaste
mahfil mein sab se haath milaanaa paDaa mujhe

mohabbat mein kaThin raste bahut aasaan lagte the
pahaaDon par suhulat se chaDhaa karte the ham donon

mujh ko maalum thaa ik roz chalaa jaaegaa!
vo miri umr ko yaadon ke havaale kar ke

aaj teri yaad se Takraa ke TukDe ho gayaa
vo jo sadiyon se luDhaktaa ek patthar mujh mein thaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

jo akasr baar-var hone se pahle TuuT jaate the
vahi khasta shikasta ahd-o-paimaan yaad aate hain

din kaTaa fariyaad se aur raat zaari se kaTi
umr kaTne ko kaTi par kitni khvaari se kaTi

aaj us ne hans ke yuun puchhaa mizaaj
umr bhar ke ranj-o-gham yaad aa gae

naam tumhaaraa haath pe likhnaa yaad rahaa
ham us ko taqdir banaanaa bhuul gae