mujh ko maalum thaa ik roz chalaa jaaegaa! — Hasan Abbasi

vo baad-e-muddat milaa to rone ki aarzu mein
nikal ke aankhon se gir paDe chand khvaab aage

kabhi jo aankhon ke aa gayaa aaftaab aage
tire tasavvur mein ham ne kar li kitaab aage

us ajnabi se haath milaane ke vaaste
mahfil mein sab se haath milaanaa paDaa mujhe

hasin yaadon ke chaand ko alvidaaa kah kar
main apne ghar ke andhere kamron mein lauT aayaa

mohabbat mein kaThin raste bahut aasaan lagte the
pahaaDon par suhulat se chaDhaa karte the ham donon

aaj teri yaad se Takraa ke TukDe ho gayaa
vo jo sadiyon se luDhaktaa ek patthar mujh mein thaa

kam-umri mein sunet hain
mar jaate hain achchhe log

meri saari zindagi ko be-samar us ne kiyaa
umr meri thi magar us ko basar us ne kiyaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

idhar to tuul diyaa hai umiid ko us ne
udhar hayaat ataa ki hai mukhtasar mujh ko