jo akasr baar-var hone se pahle TuuT jaate the — Abdul Hamid Adam

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye

ijaazat ho to main tasdiq kar luun teri zulfon se
sunaa hai zindagi ik khub-surat daam hai saaqi

savaal kar ke main khud hi bahut pashemaan huun
javaab de ke mujhe aur sharmsaar na kar

marne vaale to khair hain bebas
jiine vaale kamaal karte hain

mai-kada hai yahaan sukun se baiTh
koi aafat idhar nahin aati

ai gham-e-zindagi na ho naaraaz
mujh ko aadat hai muskuraane ki

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

duur mujh se rahte hain saare gham zamaane ke
teri yaad ki khushbu dil mein jab Thaharti hai

ji na sakun main jis ke baghair
akasr yaad na aayaa vo

aaj aaine mein khud ko dekh kar yaad aa gayaa
ek muddat ho gai jis shakhs ko dekhe hue

aaj tak yaad hai vo shaam-e-judaai kaa samaan
teri aavaaz ki larzish tire lahje ki thakan