laakh miThe hon tire shahr ke chashme lekin — Haseebul Hasan

hamaare aansu kisi Thikaane to lag rahe hain
furaat ke bad-nasib paani kaa kyaa banegaa

tumhaari aankhon pe nazm kahne se pahle ham ne bhigoi aankhein
sunaa huaa thaa zamin nam ho to achchhi hoti hai kaasht-kaari

ham aise log zaaea ho rahe hain
khudaa chup-chaap dekhe jaa rahaa hai

us ke meaar par khudaa laae
us nazar tak to aa gae hain ham

sitaare dekhne vaale hamein bataate hain
hamaare honT tumhaari jabin ko tarseinge

ye saath gaanv mein ek chhoTaa saa kaam hai bas
miri udaasi udaas mat ho main aa rahaa huun

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

barson mein bhi chhu jaae kisi ko to ghanimat
khushbu-e-vafaa yaaro baDi sust-qadam hai

dikhaai dene lagi thi khushbu
main phuul aankhon pe mal rahaa thaa

khushi se kaanp rahi thiin ye ungliyaan itni
delete ho gayaa ik shakhs save karne mein

chand khushiyon ko baham karne mein
aadmi kitnaa bikhar jaataa hai