aan ke is bimaar ko dekhe tujh ko bhi taufiq hui — Ibn۔E۔Insha

diida o dil ne dard ki apne baat bhi ki to kis se ki
vo to dard kaa baani Thahraa vo kyaa dard baTaaegaa

sun to liyaa kisi naar ki khaatir kaaTaa koh nikaali nahr
ek zaraa se qisse ko ab dete kyuun ho tuul miyaan

ham kisi dar pe na ThiTke na kahin dastak di
saikDon dar the miri jaan tire dar se pahle

kab lauTaa hai bahtaa paani bichhDaa saajan ruThaa dost
ham ne us ko apnaa jaanaa jab tak haath mein daamaan thaa

vo raatein chaand ke saath gaiin vo baatein chaand ke saath gaiin
ab sukh ke sapne kyaa dekhein jab dukh kaa suraj sar par ho

haq achchhaa par us ke liye koi aur mare to aur achchhaa
tum bhi koi mansur ho jo suuli pe chaDho khaamosh raho

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

khaanaa khulne kaa hi elaan agar farmaa dein
ham ye samjheinge ki taqrir-e-sadaarat bakhshi

sharik-e-dard nahin jab koi to ai 'shaukat'
khud apni zaat ki bechaargi ghanimat hai

qarib se use dekho to vo bhi tanhaa hai
jo duur se nazar aataa hai anjuman yaaro