aankhein na jiine deingi tiri be-vafaa mujhe — Imdad Ali Bahr

qaazi ko jo rind kuchh chaTaa dein
masjid ki baghal mein mai-kada ho

khush raho yaar agar ham se ho bezaar bahut
dil agar apnaa salaamat hai to dildaar bahut

mire qatl par tum ne biiDaa uThaayaa
mire haath kaa paan khaayaa to hotaa

ham na kahte the hansi achchhi nahin
aa gai aakhir rukaavaT dekhiye

mire baghair na ik-dam use qaraar aataa
zaraa bhi zabt jo mujh be-qaraar mein hotaa

sau fasaad ek ishq mein uTThe
boyaa ik tukhm uge hazaar darakht

mohabbat ki bhi to ik bevafaa se
ye qatl-e-khud nahin to aur kyaa hai

ho hari shaakh-e-tamannaa yaa na ho
sinch denaa chashm-e-tar kaa kaam hai

'aarif'-husain dhokaa sahi apni zindagi
is zindagi ke baa'd ki haalat bhi hai fareb

jin kaa maqsad fareb hotaa hai
vo baDi saadgi se milte hain

balaa se kuchh ho ham 'ehsaan' apni khu na chhoDeinge
hamesha be-vafaaon se mileinge baa-vafaa ho kar

ik umr bhaTakte hue guzri hai junun mein
ab kaun fareb-e-nigah-e-yaar mein aae