ho hari shaakh-e-tamannaa yaa na ho — Jaleel Manikpuri

aaj hai vo bahaar kaa mausam
phuul toDun to haath jaam aae

pyaari surat vo haae kyaa hogi
jis ko be-dekhe pyaar aataa hai

sote mein vo jo mujh se ham-aaghosh ho gae
jitne gile the khvaab-e-faraamosh ho gae

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

mohabbat ek taraf se mazaa nahin deti
kuchh iztiraab tujhe ho kuchh iztiraab mujhe

jo tire ishq mein tabaah huaa
koi us ko tabaah kar na sakaa

kisi kaa yuun to huaa kaun umr bhar phir bhi
ye husn o ishq to dhokaa hai sab magar phir bhi

zakhm bhi ab hasin lagte hain
tere haathon fareb khaane par

chaman ke rang-o-bu ne is qadar dhokaa diyaa mujh ko
ki main ne shauq-e-gul-bosi mein kaanTon par zabaan rakh di

sunaa hai vo bhi mire qatl mein mulavvis hai
vo bevafaa hai magar itnaa bevafaa bhi nahin

kis ne vafaa ke naam pe dhokaa diyaa mujhe
kis se kahun ki meraa gunahgaar kaun hai

mohabbat ki bhi to ik bevafaa se
ye qatl-e-khud nahin to aur kyaa hai