husn-e-fitrat ki aabru mujh se — Iqbal Sohail

jo tasavvur se maavaraa na huaa
vo to banda huaa khudaa na huaa

na rahaa koi taar daaman mein
ab nahin haajat-e-rafu mujh ko

khaakistar-e-dil mein to na thaa ek sharar bhi
bekaar use barbaad kiyaa mauj-e-sabaa ne

vo shabnam kaa sukun ho yaa ki parvaane ki betaabi
agar uDne ki dhun hogi to honge baal-o-par paidaa

aashob-e-iztiraab mein khaTkaa jo hai to ye
gham teraa mil na jaae gham-e-rozgaar mein

kuchh aisaa hai fareb-e-nargis-e-mastaana barson se
ki sab bhule hue hain kaaba o but-khaana barson se

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ai sanam tu vo kanhayyaa hai balaaein luun agar
baansuli ki tarah naalaan hon saraapaa ungliyaan

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gul kiyaa jis ne vo thaa aur magar
shama ne shikva havaaon se kiyaa